Jam’iyyar Labour Ta Karbe Ofishin APC A Enugu
Jam’iyyar Labour ta karbe sakatariyar jam’iyyar All Progressives Congress (APC) ta jihar Enugu.
Jam’iyyar APC a jihar tana cikin rikici.
Rikicin ya dauki wani sabin salo mai tayar da hankali bayan taron jam’iyyar a bara bayan bullowar Barr. Ugochukwu Agballa a matsayin shugaban na jihar.
Sakamakon rashin tabuka abin kirki da ake zargin Agballa ya yi tun bayan da ya dare karagar mulki, tawagar masu ruwa da tsaki a jam’iyyar a jihar sun ziyarci sakatariyar jam’iyyar APC ta kasa makonnin da suka gabata inda suka bukaci kafa kwamitin riko.
Amma, Agballa ya kori masu ruwa da tsaki, ciki har da ministan harkokin waje, Mista Geoffrey Onyeama da kuma tsohon shugaban majalisar dattawa, Sanata Ken Nnamani.
Agballa yana aiki ne daga ofishin shiyyar Kudu maso Gabas na jam’iyyar tun lokacin da ya hau mulki.
Mai gidan wanda ya mallaki ginin sakatariyar jam’iyyar APC na jihar da ke No 126 Park Avenue, GRA Enugu, an tattaro shi bai ji dadin APC ba saboda gazawarta na sabunta hayar.
Wani abin mamaki shi ne, a karshe dai jam’iyyar Labour ta kaddamar da ginin irin na sakatariyar ta na jiha.
