A yau zamu kawo maku al’adar aure ta Dinka. Duk da biyan sadaki da ya kai shanu 100 zuwa 500, suna kyautata wa matan su.
Da zarar mutum ya yi aure, matarsa ba za ta yi girki ko shara ba har tsawon shekara 4. Wannan lokacin ana kiransa “Anyuuc” (Generous Welcoming).
Ana nufin sabuwar amarya ta huta, ta huta, ta kuma yi nazarin halayen gidan mijinta.A wannan lokacin, ‘yar’uwar mijinta su zasuyi mata girki, wanke-wanke, tattara itace, debo ruwa, da sauran ayyukan gida.
Bayan shekaru 4, shi mijinta zai shirya wani babban liyafa mai suna “Thaat” (bikin dafa abinci) inda ake yanka shanu 3 da awaki 5 don ƙaddamar da amarya ta dafa abinci.
