Kotu ta yanke wa wadanda suka kashe diyar Fasoranti hukuncin kisa ta hanyar ratWata babbar kotu a jihar Ondo ta yanke hukuncin kisa ta hanyar rataya uku daga cikin hudu da ake zargi da kashe diyar shugabar kungiyar siyasar Yarbawa ta kasa, Misis Funke Olakunri mai shekaru 58 da haihuwa.
Babban Lauyan Ondo ya gurfanar da Mohammed Usman, Osagie Lawal da Adamu Adamu a 2019 bisa laifin kashe Olakunrin. An tuhume su da laifuffuka hudu da suka hada da kisan kai, kisa, da kuma garkuwa da mutane.
Da yake yanke hukunci, Mai shari’a William Olamide, ya wanke wanda ake kara na cikon hudun, Abubakar, wanda ake tuhuma da laifin taimakawa da aikata laifin.
Mai shari’a Olamide ya bayyana cewa masu gabatar da kara sun tabbatar da hakan ba tare da wata shakka ba.
Alkalin ya yanke hukuncin ne bayan ya saurari bayanan da masu gabatar da kara da lauyoyin masu kara suka gabatar kuma ya amince da rubutaccen adireshin karshe.
